唯心还是唯物？

一直觉得概率论无咩意义。
好多人会反对，讲出好多理由，无措，对于呢个大世界，概率的确系一种科学
可惜我地要面对既系独立既特定既事件
无论概率大小，期望值高低，一件事，要发生就系会发生
可能明明p=0.0000001，但系据就系发生左，你吹据胀咩？
我地要面对既事件既结果，无得计算概率，只能够接受

扯得远左，但系唯心唯物对我既意义就好似概率学
将人类作为整体，面对成个宇宙，当然系物质先于意识
但系我地日常所谓既，个人既世界，个人既生活，
其实只系我地意识既一种投射，系用我地既情感来架构起身既
小王子入面有一段类似咁样既话
一朵花既存在，据同其他千千万万朵花一样，可能你行过据身边，但你眼入面五会有据
直到你为据投放左感情，据先会变得如此特别，据先真正存在于你既世界

一D事，一D人，发生左，完结左，出现左，消失左
但系所有呢d状态与你无关，
你五会在意距地系点，你既眼入面脑入面据根本五存在
无错据系一样物质，但系亦都只不过系一样物质，据对你毫无意义

直到有一日，你对据产生意识，产生感情
你先会系咁多样物质之中一眼就望到据，据开始变得同你息息相关
其实都系同一样也，点解会有感大唔同

小王子话，系因为你系朵玫瑰上面花费既精力，先令据变得如此重要
如果物质系客观既，其实据就系一朵玫瑰，据既化学成分，据既形态，据既颜色，据既气味
如果一切都系客观，不以意识为转移的话
点解我地会觉得独独钟爱自己果朵
因为我地，作为特定既个人，面对既世界其实系好意识既
我地望到，闻到，听到既，唔系物质，系我地既努力，投入，感觉
属于我既世界，其实系好唯心既

有神or无神？
that's not a question
神系咩，先系问题
如果你所定义既神系一样寻在既也，无论系真系既物质存在，或者系人类意识加工既存在
感神当然系存在啦

从呢个意义来讲，我唔觉得世界上真系有无神论者
因为真系既无神论者，因为完全系无“神”呢个概念
而呢家既无神论者，其实对神系有一个基本设定既，只系觉得无也合乎果个设定姐
感但系你都可以设定个标准出来啦，即系系你心目中神既形象系存在啦，感你有无可能证明到据唔存在咧

诡辩？Maybe

我系信有神既，但系我唔相信呢家任何一个宗教既神
呢家所有既神，都系用人类既价值观发展出来既
耶稣话，你信左我之后唔可以信其他神
哇，仲唔系黑社会大佬讲既也
你去寺院要烧高香，比香油钱，如果成功之后仲要还愿
你真系以为系求人做野，要比首期要找尾数啊

要人讨好，要人崇拜，要人忠心
呢D系人类既常见心理
如果作为神都系感既心理，我好难将据当作神喔
最多咪系一个劲d既人

萨特话“他人即地狱”
当然我唔算好认同呢个观点
但系如果如果他人真系地狱，好明显神，应该就系可以摆脱呢种纠缠既一种存在
据系独立于人类之外既，据存在，无论你信唔信，你贡唔贡献也据既，系完全无影响既
对我来讲神不过系另外一种不可知既存在模式
据食唔到你d烧猪，用唔到你D钱噶
我觉得如果真系有神，据会觉得人类既也系none of its business

哈哈，其实，我都系用我自己既意思来推测神啊，证明我道行未够啦

意义何在？
有一段时间，当然系低谷，而有得闲既一段时间
我每日都系度问自己
人生有咩意义
或者人生本来就系无意义既
应该话我觉得人生系无固定既道德或者价值

中国，系尤其中意系人生上加好多其他标准既社会
要舍生取义，要舍己为人，所以好多人既地位好容易就比神化
其实系存在既角度睇，我地系一样既
凭咩觉得一个“大有作为”既人既存在高于一个“碌碌无为”既人咧

一个人，其实成日林住要点样实现人生既价值，系好痛苦既
最近同几个人讲开存在主义
D人话：哇，你好消极，好灰啊
其实唔会，存在主义最得我心系据好自由，无规定要点做
当你失败既时候，你会知道，孤独，系人生既常态
但系你同样有自由追求卓越，
但系你要明白，成功只系一种社会性
就自然性来讲据唔会令你既存在高人一等
但系感又点，你稳到你想要既生存方式，同样值得庆贺，对于你自己既人生，咁样已经足够啦

PS：居然，打打下就感长了
    可见，我上班真系无咩做啊
    其实讲到最后都唔知自己讲咩了，开始重复又重复。
    其实我对哲学，都不过系自己既一种林法
    我都唔知系真系中意哲学，定系想借哲学来肯定一下自己啦

    不过，如果真系有人有耐性睇到呢度，多谢啊，呢篇算系我最近最用心写既一篇了
    有信仰既同学，得罪晒